Fréttabréf - nóvember 2011

Kæru HL félagar !

Útiþjálfun
Gönguhópur HL stöðvarinnar fer nú í frí yfir dimmasta skammdegið en verður endurvakinn með hækkandi sól.

Fræðsla Aðstandendafræðsla verður haldin miðvikudaginn 16. nóvember kl. 17.00 Streita mánudaginn 21. nóvember kl. 17.10 Borðaðu betur miðvikudaginn 30. nóvember kl. 17.10

Frjálsir tímar í tækjasal. Minnum á frjálsa tíma í tækjasal á mánudögum og föstudögum milli kl. 18:00 og 19:00. Þátttakendur geta þá komið, hitað upp á hjóli og farið í tækjasal á eftir. Þetta er upplagt fyrir þá sem vilja mæta aukalega eða bæta sér upp tíma.

Útiskór – Við viljum benda þátttakendum á að fara ekki inn á útiskóm og að nota hreina skó inni í sal.

Sterk ilmefni – Margir þátttakendur HL stöðvarinnar eru með viðkvæm öndunarfæri. Vinsamlegast notið því ekki ilmefni s.s. ilmvötn eða rakspíra.

Æfingafatnaður -Verið í bolum við æfingar– þeir draga í sig svita.

Hjartaheill. Við viljum vekja athygli á að Hjartaheill býður félagsmönnum sínum og aðstandendum þeirra í litlu jólastemmingu miðvikudaginn 30. nóvember klukkan 20.00 í Síðumúla 6. Upplestur, tónlist og jólakaffi.

HL jólakaffi. Dagana 12.,13. og 14. desember eftir að æfingatímum lýkur verður heitt á könnunni frammi í félagsaðstöðu. Við hvetjum alla til að gefa sér tíma, setjast niður með æfingafélögunum og fá sér kaffisopa og með því.

Jólakort Hjartaheilla eru til sölu hjá Ellu í móttökunni. 10 kort með umslagi á 1200 krónur.

Jólafrí – HL stöðin verður lokuð frá og með 22. desember 2011. Byrjum aftur samkvæmt stundaskrá miðvikudaginn 4. janúar 2012.

Við viljum minna HL-félaga á að gæta hófs yfir hátíðarnar.
Munið að saltaður og reyktur matur reynir á hjarta og æðakerfi

Stjórn og starfsfólk HL stöðvarinnar óskar þátttakendum gleðilegrar aðventu.